كبيرة البنت من يومها
وكَبَّرها الزمن بدري
يوماتي تبكيها همومها
وزمانها بيعدي عليهاو بيجري
تشوف الدمعة في عيونها
بتحكي الغُلب والحِرمان
وإيدها
بكل حنية
تطبطب علي أخوها الغلبان
كبيرة البنت من يومها
وكبرت جواها همومها
وعايش في الهنا غيرها
وبردك بيشكي من الحرمان
غريب والله طبعك يازمان
غني ومرتاح و مشعاجبه
طب يعمل إيه بقي الغلبان
والله غريب طبعك يازمان
بنية صغيرة دية
تعيش أيامها
أسية
عجوزة وسنها
يدوب سنتين
وتشيل هموم
تفوق جبلين
والله يا بنتي منك خجلان
إزاي اعيش في هَنا
وزهرة زيك تآسي الحرمان
و اللي حواليكِ ولاهِنا
وهاعمل إيه قدام الرحمان
لما يسألني كنت متهني
و سايب غيرك يدوق المُر
طب كنت خد بالك مني
وطبطب بإيدك علي الغلبان
دا انا حواليها ليلاتي بطوف
جايز اشوف.... طبطبة إنسان
...........................
تحياتنا للشاعرة /الموقع الإعلامي لرابطة مثقفي الشعوب العربية
مسؤول التوثيق الاستاذة هيفاء علي خدام
الأمين العام
د.السيد الحلواني
تعليقات
إرسال تعليق