حاجات فى القلب متشاله
بقلها سنين
في منها كتير بتتشابه
وفيها البعض مختلفين
تعيش حيران كتير خايف
تفوت لاتنين
يمر العمر تتندم
ويتجمد هواك يا حزين
تقول للحسرة خدامك
وقلبي رهين
كتير القلب متحمل
تقيل الحمل بيحمل
علي المساكين
وحتي الحلم بيعافر
فى كل محطه بيسافر
يدوس علي نفسه
ويوزع حروف إسمه
ويتنقل كما الارجوز
يقطع فيا ويتمن
يبيع فى آمالنا ويكمل
سألته ليه بتتألم؟؟
فرد الدنيا بتعلم!!!
صراحه الحلم كان
محسوس
وكان مَدروس
كمان توزيعه الأدوار
وضوء القمرة زي طاووس
وفي الكواليس لقيت
نفسك كمان مهزوز
لا لك قيمة ولا معزوز
ساعات بتعوز تبان قادر
وبتفكر بفرك فانوس
فيطلع جن خدامك
يحقق كل أحلامك
دا حتي الحلم فى خيالك
......كمان منحوس
رجعت منه وضلوعك
........ بتتألم
ساعات الضلمه تتكلم
وتلضم غدرها المهووس
وتسبب فى موت حلمك
قوية وجلدها منقوش
وليل العشق أصله طويل
نجومه تميل وتندهلك
تقول مواويل
تغني كتير وتتمني
حروف الغنوة
.....صبح وليل
حلمت خلاص ومش عاوز
ولا بفكر أكون فايز
فى عز الحلم شوفت الويل
بواقع مر فى حلاوته
وشوق للحب فى مرايته
وقهر طويل
يلف العمر بملايته
ودي نهايته معاك يا عليل
يا ريت تفهمني و تفارق
وتعرف إن حلمي ذليل
تعليقات
إرسال تعليق