طريق النجاح
ع الجبين مكتوب
أوله انكسار
وغدر غدار
وملام وعتاب
وقفل أبواب
...
وجرح مكبوت
وسكوت صوت
وصبر ومرار
وانتظار أعمار
وفكر ماله حدود
ونقض كتير وعود
ومن القريب انكسار
ومن الحبيب انهيار
وكل ما تحتار
تقدم لنفسك الأعذار
....
وف لحظة
تقول ياجباااار
ياعالم الأسرار
يا مالك الملكوت...
طَيِّب جراح المكبوت
...
يجاوبك ويمحى
كل الأذى اللي صاحبك
وانت خلاص بتموت
والكسر يجبره
والمُر يبدِّله
وميزان حياتك
اللي انعوج
بلحظة ...يعدِله
بسعادة مالها حدود
ويمحي جبال الصدود
...
وطريق نجاحك
يبتدي.
ينسمع له صوت
وخطوة ...خطوة
تتحقق... أحلامك
خطوة ...خطوة
تحلو........ أيامك
وفجأة....
وف عز النجاح
تقابل أعداء النجاح
اللي ياما يأِسوك
ولكيانك هدوك
ولحلمك ململوك
...
يلاقوك.... نجحت
لكن .....
بكل اللي..... حبوك
ووصلت ....ولاهموك
...
طريق النجاح
بداية...
حلمك الحقيقي
طريق النجاح
علامة....
لخطواتي الثابتة
مهما طال طريقي
...
....
طريق النجاح
....
بقلمي... إنتصار حسين
........................
تحياتنا للشاعرة /الموقع الإعلامي للهيئة الدولية للمثقفين العرب في العالم
مسؤول التوثيق الشاعرة هيفاء علي خدام
الأمين العام
د.السيد الحلواني
تعليقات
إرسال تعليق